MILAN, Italia – E bolsanan Europeo a avansa poco poco den e prome operacionnan di diabierna, recuperando timidamente di e fuerte perdidanan cu nan a experimenta previamente e siman aki despues cu e agitacion politico na Merca a aviva e inkietud riba e plannan di estimulo di presidente Donald Trump.
E indice Paneuropeo STOXX 600 a suma un 0.3 porciento pa 7’or y 25 di awe mainta, pero a acumula un bahada semanal di un 1,5 porciento, su mayor perdida den un siman desde principio di November. E indice Britanico FTSE a subi un 0,4 porciento y e balornan grandi di e zona Euro, a avansa un 0,3 porciento.
Aunke e subidanan a keda registra den tur e sectornan, e valornan farmaceutico y financiero a duna e mayor impulso na STOXX, cu e accionnan di Roche, ganando un 0,6 porciento, yuda pa un mehoracion di e prijs obhetivo di e analistanan di Barclays y cu Banco Santander sumando un 0,8 porciento.
Entre e balornan cu miho comportamento tabata Dufry, cu a subi un 6,9 porciento despues cu e grupo di productonan di luho Richemont a adkiri un participacion di un 5 porciento den e compania.
E accionnan di Hikma a cay un 4,9 porciento despues cu e farmaceutico a recorta su prevision di ingreso pa e retraso den e salida di un medicamento generico na Merca.
E perdidanan di e siman aki a haci cu e bolsa a replega desde e maximo di 21 luna, haya tras di inyeccionnan fuerte di fondo na Europa, datonan macroeconomico solido y resultadonan corporativo sorprendentemente solido.
Fuente: http://lta.reuters.com
- Latest
