SINGAPORE, Malasia – Bolsa di Asia a cay diamars despues di un ciere stabil na Wallstreet, na momentonan cu inversionistanan tabata busca e siguiente catalisador tras di e eleccionnan presidencial di Francia y petroleo lo a subi riba e expectativanan cu algun recorte di e produccion di OPEP lo extende.
E mercado di balor di Zuid Korea, cu a cera dialuna riba un maximo historico, tabata cera debi na e eleccionnan presidencial di diamars. E liberal Moon Jae-in, ta spera cu e gana tras di luanan di liderasgo bashi, despues cu e ex mandatario, Park Geun-hye a wordo removi for di e cargo.
E indice di MSCI di e accionnan Asiatico fuera di Hapon tabata resta un 0.2 porciento. Na Hapon, e indice Nikkei di e bolsa di Tokyo a hala atras un 0.25 porciento na 19.843 punto.
Na China, e referencial CSI300 di e principal accionnan cu ta cotisa na Shanghai y Shenzhen, a baha un 0.3 porciento den su di seis sesion consecutivo di perdida. E indice Hang Seng di Hong Kong lo a reverti algun perdida inicial pa avansa un 0.35 porciento.
E indice di dollar cu ta sigui e desempeño di e moneda Mericano, contra un canasta di seis divisa importante, a opera stabil riba 99.11. Frente e moneda Hapones, e dollar tabata negosha cu variacion schaars na 113,285 yen. Euro a mantene su mes tabiel riba 1,0927 dollar.
Riba e mercadonan di materia prima, e futuro di e petroleo na Merca a gana un 0.1 porciento, na 46,47 dollar pa bari. E crudo Brent di London tambe a fortalece riba un 0.1 porciento, cu 49,39 dollar pa bari.
E futuro di koper riba e bolsa di metal di London a cay un 0.1 porciento na 5.481,50 dollar pa ton, cerca di e minimo den cuater luna cu a anota dialuna, despues cu e datonan a mustra un caida den importacionnan Chines di e metal cora.
Oro a rebota desde e minimo den shete siman cu a toca e sesion anterior y a suma un 0.2 porciento, na 1.312 dollar pa ons.
Fuente: Reuters