Presidente di Bolivia, Evo Morales, diadomingo a anuncia cu dia 14 di Februari e lo evalua na Den Haag cu su abogadonan e contesta pa Chile den e Corte Internaciona di Husticia pa loke ta trata e conflicto huridico cu nan ta mantene desde 2013.
Morales a bisa den un discurso diadomingo den e zona andino di e pais cu e dia aki e expertonan nacional y stranhero lo revisa e argumentacion historico y huridico cu mester presenta prome cu 21 di Maart den Corte Internacional.
Den e huicio, presenta door di Morales contra di Chile na 2013 ta pidi un fayo cu lo obliga Chile na cumpli cu e compromisonan expresa pa autoridadnan Chileno. Esaki ta pa negocia un salida pa e lama cu Bolivia a perde den e Guera di Pacifico na 1879.
Den e guera, Bolivia a perde 4 mil km di costa y 120 mil km di teritorio.
Di su banda, Chile ta bisa cu e fronteranan a keda seya den e ‘Tratado di Paz y Amistad’, firma pa ambos pais na 1904, despues di 25 aña, un guera unda cu Peru a apoya e tropanan Boliviano.