ENTERTAINMENT
HOLLYWOOD, Merca- E biografia di Freddie Mercury “Bohemian Rhapsody” y 20th Century Fox ta, pa aworaki, e campeonnan mundial.
“Bohemian Rhapsody”, protagonisa pa Rami Malek, den e papel di e difunto cantante di Queen, a supera e problemanan di produccion y e mal criticanan pa reanuda 50 miyon dollar na ticketnan bendi pa recauda 50 miyon dollar den un weekend na Merca y Canada, y 72,5 miyon na nivel internacional, segun calculonan. Esaki a supera e expectativa, cu a pronostica entre 35 miyon y 40 miyon dollar den su fin di siman di estreno.
Sin embargo, e publico a core bay e salanan pa wak e tremendo actuacion di Malek, e protagonista di ‘Mr. Robot’ y skucha e ritmico himnonan di Queen manera “We are the Champions”, “Another One Bites the Dust” y e operatico cancion di e titulo. E pelicula, dirigi pa e Bryan Singer prome di a wordo reemplaza pa Dexter Fletcher, den ocasion tabata parce un concierto, incluyendo e extenso recreacion di e actuacion di e banda den concierto Live Aid na 1985.
“En realidad e ta un celebracion di Queen y su musica, y nos ta kere cu nos a haci un bon trabao den laga e publico sa cu esaki ta loke e ta”, Chris Aronson, director di e distribucion di Fox.
E pelicula di Fox a supera e estreno di Disney, cu proximamente lo ta doño di e studio. E magnifico “The Nutcracker and the Four Realms” di Walt Disney Co., a pesar di su presupuesto d produccion di 125 miyon dollar, a debuta cu apenas 20 miyon dollar. Disney lo drenta den un fusion cu Fox den e proximo lunanan.
E 10 peliculanan cu mas a bende den fin di siman den cinenan di America den Norte segun comScore.
1. “Bohemian Rhapsody”, 50 miyon dollar (72,5 miyon dollar internacional).
2. “The Nutcracker and the Four Realms”, 20 miyon dollar (38,5 miyon dollar internacional).
3. “Nobody’s Fool”, 14 miyon dollar.
4. “A Star Is Born”, 11,1 miyon dollar.
5. “Halloween”, 11 miyon dollar.
6. “Venom”, 7,9 miyon dollar.
7. “Smallfoot”, 3,8 miyon dollar.
8. “Goosebumps 2”, 3,7 miyon dollar.
9. “Hunter Killer”, 3,5 miyon dollar.
10. The Hate U Give”, 3,4 miyon dollar.