Un Boeing 777-200 di American Airlnes y un Airbus A321neo di Frontier Airlines, a dal contra otro diabierna, n’e aeropuereto Mericano di Miami.
E imagennan comparti riba e rednan social a mustra cu e echonan a sosode mientras un di e avionnan tabata reverse riba e pista di e aeropuerto.
Riba e mesun momento, un avion Boeing 737 MAX di United Airlines a sali for di e pista durante e aterisahe n’e aeropuerto George Bush di Houston. Abordo di e avion tabatin 160 pasahero y seis tripulante. Ningun di nan a resulta herida. Tur a wordo evacua di e avion y hiba den autubus p’e edificio di e aeropuerto.
Tambe, un dia prome, un Boeing 777 – tambe di United Airliones – a perde un taira mientras cu e tabata lantando for di e aeropuerto internacional di San Francisco. E taira a cay riba e parkeerplaats di e instalacion, dañando varios auto.