SEATTLE, Merca- Diaranson merdia, un Boeing Dreamliner 787-800 a lanta vuelo for di Seattle y a bula mas o menos 2 mil miya direccion Marquette, Michigan. E lo a parce di ta un vuelo inconsecuente, y alabes un combinacion straño di ciudadnan, si no ta pasobra cu e avion a bira bek di biaha y a sigui den direccion zuidwest.
Net despues di a yega e punta di South Dakota, ata e Dreamliner ta cabes ariba bek, un recorrido casual di e espacio aero di e ciudad prome cu e bira atrobe y bay direccion zuid, pa Nebraska.
Kico e avion aki ta haciendo???
E contesta lo bira mas cla despues cu e Dreamliner a bula un par di ora mas. E ora un aplicacion cu ta sigui vuelonan a mustra exactamente loke e piloot tabata haciendo: pinta un contorno di dje mes ariba Merca.
Riba rednan social, internautanan a cuminsa adivinansanan pa e patronchi di vuelo chistoso: E tabata un vuelo di prueba? Publicidad pa e Dreamliner? Uzo gratuito di fuel? Of kisas e piloto tabata burachi, un di e internautanan a bisa den forma di joke.
Boeing a confirma cu e Dreamliner ta registra na Boeing Corporation, y cu e tabata haciendo un vuelo di prueba di resistencia di 18 hora.
“Enbes di bula den patronchinan pa loco, e ekipo di prueba a bira creativo, bulando un ruta cu ta delinea un 787-8 den e shelo di 22 estado”, vocero di Boeing, Doug Alder Jr a bisa den un email manda pa The Washington Post.
Boeing ta conoci pa bira creativo ariba vuelonan di prueba obligatorio pa avionnan nobo. Mas trempan e aña aki, pilotonan haciendo vuelonan di prueba a bula mas di 3.400 miya pa scirbi MAX ariba e estadonan di Washington y Montana.
Fuente:https://www.washingtonpost.com