E bodybuilder Paul Bashi, di 35 aña, a wordo aresta pa autoridadnan di e condado di Macomb, Michigan, Merca luna pasa. Motibo di esaki ta pasobra cu el a golpia, pa 40 minuut largo, su pareha di 22 aña, te cu ora e mucha muhe den e coma.
E agresion a tuma luga den un cas gehuur na Washington Township. Television local a revela e imagennan estremecedor capta pa camaranan di vigilancia di e cas, cu ta mustra e atake di rabia di e homber. Den e grabacionnan por wak Bashi ta check e celular di su pareha Kristina Perry. Despues di esey, e agresion ta cuminsa.
El a uza diferente obheto pa golpi’e, el a scop’e di forma violento y a hink’e na varios ocasion. En total, e hoben cu a ricibi mas di 100 golpi, pero e no a ni purba defende su mes. El a wordo haya den estado grave cerca di e cas door di bisiñanan cu a yama polis.
A pesar di cu Perry a pasa varios dia den coma, e tabata casi pa muri, el a pidi fiscal pa kita e cargonan contra Bashi, culpando su mes di e agresion. Bashi, acusa di intento di asesinato, ta actualmente den prizon, sperando su sentencia.