Diaranson merdia Salubridad Publico hunto cu Polis encarga cu control y permiso pa districto di San Nicolas a bishita Boca Prins bar & restaurant despues di kehonan cu a drenta. Durante e control a topa cu e keho cu a keda duna un dam di awa unda esaki lo ta ser usa pa laba cosnan den cushina etc.
Prensa a aserca Sra Jurette di Salubridad y a duna di conoce cu nan departamento di higiena a haya un informacion cu e restaurant na Boca Prins ta usando awa cu no ta limpi pa haci nan labor. Despues di esaki a organisa un team pa bay controla. Sra Croes a bisa cu di berdad e localidad ta usando awa di dam pa laba tayo, y otro cosnan cu ta usa cu ta brinda na cliente y hasta a constata cu e cushina y unda ta warda cosnan ta basta sushi. Despues di e control aki a bay over na cera e luga pa 48 ora.
A constata cu e luga no tin un red di awa di WEB pa por haya permiso y esaki ta un di e rekesitonan, y tambe tin otro maneranan pa haya un despensacion si den bo area no tin meter di awa pero esaki ta bin cu rekesitonan cu ta bin cune. Cu bo por trece awa limpi pero ta riba bo responsabilidad cu e awanan aki ta controla constantemente.
Sra Croes a duna di conoce cu den November e luga a keda controla y a keda sera. Awor cu 48 ora pasa lo tin cu wak si lo kita e permiso of dune un permiso pa traha tog pero cu rekesitonan. A tuma muestra di e calidad di awa y unda esaki lo bay laboratorio pa wak e analisis.