Boa di casi tres meter gara na Savaneta

Awo ta temporada cu boanan ta reproduci. Nan ta cuminsa busca caminda pa yega mas sigur pa nan. Ora cu un famia na Savaneta a bin topa cu un di e reptielnan aki cerca di nan cas, un susto grandi varios di nan a pasa aden.

Un señora a topa cu e boa banda di e cas di galiña. Asina nan a bin comprende di con ultimo tempo algun galiña cu nan tabata cria a disparce. E señora no a logra su so y mester a core pidi ayudo di un familiar, kende tambe tin un cunucu na Savaneta. Nan dos a lucha cu e boa brabo aki te ora cu nan a logra mat’e.

Nan mester a lucha basta ya cu e boa tabata brabo y grandi. Ta calcula cu e ta midi rond di tres meter. Riba e fotonan por mira e tamaño.

Boa ta causa hopi daño na e medio ambiente di Aruba. Y ta responsabel pa hopi animal cu ta casi den extincion.

Comments

comments