Durante siman cu a pasa nos por a tuma nota riba red nan social pero tambe riba caya na diferente localidad por a topa algun damas ta parti un flyer cu e texto “Bo ta cla? Prepara!”.
Nos como un medio cu ta trece noticia tambe a keda masha asombra di esaki y ta buscando pa sa kiko esaki significa. Tin ta kere ta algo politico cu tin di haber cu Gobierno pero otro ta kere e por ta un stunt tambe pa trece un punto den comunidad.
Nos kier a pidi esnan cu sa algo di esaki pa tuma contacto cu nos redaccion pa asina por trece claridad riba e topico aki.
Keda pendiente y asina nos haya sa mas ta di kiko esaki ta ensera nos lo informa pueblo debidamente.