Bo ta mustra miho sin come carni of pisca? Esaki ta loke un hoben Hulandes, cu ariba Twitter ta uza e nomber Kristel, a purba di contesta.
Diadomingo, el a purba di mustra, via un potret, cambionan experimenta pa su cara despues di a bandona un dieet exclusivamente vegan. Esaki a desata un otro bataye entre partidarionan di veganismo y opositornan di esaki.
“Potret banda robes: Vegan durante casi cuater aña, (dieta) rico den berdura y berdura (potret saca dos luna pasa). Potret banda drechi: Consumo principalmente di alimento di origen animal di calidad halto, durante tres siman (potret saca 25 di augustus). E piel ta mehora, e cara ta menos hincha. Pero e miho di esaki ta cu ya mi no ta sinti como sifuera cu mi ta muriendo”, Kristel a scirbi ariba su red social.
Den menos di tres dia, e publicacion a haya mas di 600 mil likes y miles di comentario. E internautanan a dividi nan mes den dos grupo: esunnan cu ta sigui apoya veganismo y esunnan cu ta felicita Kristel pa su transformacion y su bida nobo como comedo di carni.
Algun di e partidarionan di e di dos grupo ta recorda cu humanidad a alimenta su mes cu carni durante miles di aña y asina lo sigui ta. Nan ta avisa cu e plantanan ta un recurso natural pa e produccion di oxigeno, pa cual “nos tin cu stop di matanan”.
Otro internautanan (no por tabata otro) a mustra den completo desacuerdo. “Bisa e monhenan Indio cu tabata vegetariano pa miles di aña. Si e futuro ta mescos cu pasado y presente, e ora nos lo sigui di tin guerra, malesa, hamber, causando un dolor extremo y miseria na mamiferonan, cu ta sinti y ta compronde na un manera hopi similar cu anos sernan humano”, e internauta Zeeshan Ali a comenta.
Kico ciencia ta bisa di esaki?
Un estudio di 2016 a revela cu individuonan cu a bandona e consumo di carni a perde mas o menos 4,5 kg sin necesidad di controla e calorianan ni haci ehercicio.
Asina mes, a detecta cu personanan cu no ta come carni tin un cantidad mas grandi di bacterianan protector den e sistema intestinal, pero ta mas dificil pa nan haya e nutrientenan cu productonan di carni, manra hero y vitamina D y B12.
Expertonan a destaca cu e risico di desaroya cancer y sufri un atake cardiaco ta reduci considerablemente ora di opta pa un dieta vegano.

Comments

comments