Den oranan di marduga polis y ambulance a bay pa un accidente cu a sosode den area di Noord cu persona herida.
Na yegada a mira cu e accidente aki a sosode na e crusada di Palm Beach. Un punto unda cu regularmente tin accidente ta tuma luga desde cu e luznan di trafico a stop di funciona.
Na e sitio por a constata cu tabatin dos auto envolvi: BMW, Toyota.
Tur cos ta indica cu e BMW no a duna preferencia y a subi caminda dilanti di e toyota.
Chauffeur di e BMW tabata mustra bou influencia pa cual a dicidi di pone supla. Mirando cu el a pasa e limite permiti pa ley, a transporte pa warda di polis.
No tabatin herido di gravedad pero daño material si tabata grandi.