BlueGreen Vacations, un lider den e industria di hospitalidad, ofreciendo resortnan di calidad halto cu acomodacionnan ultra espacioso y servicio di cliente excelente, a tene su conferencia anual recientemente na Orlando, Florida, unda cu La Cabana Beach Resort & Casino a ricibi tres top honor: Mas Mehora 2016, un score general di prestacion di hotel, evalua pa medallia, y e tan codicia Premio di Logro Excelente den Hospitalidad 2016, ambos di entre e 60 Resortnan di BlueGreen.
Gerente General Joe Najjar a representa su hotel na e conferencia na Orlando, y cu hopi alegria el a acepta e bunita reconocementonan na nomber di su empleadonan.
E dos reconocementonan di e resort a wordo sigui pa un reconocemento personal pa Joe Najjar, ganando e Premio di Rock Star, duna na solamente un Gerente General tur aña, como un muestra di aprecio pa liderasgo y talentonan di maneho excelente.
“E premio,” segun Tessely Koolman, e resort su director di Recursonan Humano, “a reconoce nos gerente general como un homber cu ta guia segun ehempel, proveendo un sentido di direccion pa otronan na e resort, como un comunicador fuerte cu semper ta keda stabil, hasta bou di presion.”
“Nos ta orguyoso di su liderasgo excelente y habilidadnan di maneho,” el a agrega, “e ta na mando di La Cabana Beach Resort & Casino pa mas di 10 aña.”
Despues di esaki Najjar a disfruta di un momento humilde di Hollywood, mustrando su trofeo di guitara preto, acompaña pa Guitarista Ernesto Ferro.
E premionan a wordo celebra durante un encuentro festivo den e sala di conferencia, unda Koolman a yama e asociadonan bon bini. Esaki tabata e di dos Reunion General di Asociado pa tuma luga e aña aki, y el a wordo teni como un muestra di aprecio di e reconocemento ricibi di BlueGreen Resorts.
E reunion a wordo habri recordando dos tremendo colega cu a fayece, y e foro a celebra e bida y e añanan feliz cu nan a comparti, cu Amarildo Bermudez y Stanley Pieters.
Koolman tambe a revela e resultadonan di un mini encuesta di Recurso Humano pa loke ta e celebracionnan anual na e resort, confirmando e aprecio di e empleadonan pa cu dianan di famia y encuentronan riba dia di fiesta.
Asociadonan a ricibi ice cream y co’i bebe, como tambe premionan di rifa manera Voucher di Gasolin, Carchi di Telefon, Voucher di Supermercado, y Carchi di Regalo, como un treat special.
Aki por mira e momentonan festivo, un testimonio na e resort su ekipo dinamico.