KUWAIT CITY, Kuwait- Sondos Alqattan, makiyadora y “influencer” a critica e ley nobo di Kuwait cu ta permiti empleadonan domestico Filipino di tuma un dia liber sin cu nan mester entrega nan passpoort.
Un strea Kuwaiti di Instagram a hay’e den wowo di horcan despues di cu el a critia e leynan nobo di su pais cu ta permiti empleadonan Filipino di tuma un dia liber semanal sin cu e mester di entrega su passpoort.
Den un video publica siman pasa, cual ya caba a wordo deleted, Sondos Alqattan, un make up artist y “influencer” cu ta conta cu 2.3 miyon follower ariba Instagram, a califica e leynan nobo di patetico. Particularmente, el a keha di cu si un cria tuma un dia liber den siman, “na final ta cuatro dia pa siman” unda cu e sirvinete lo no t’ey” y ademas, “nos no sa kico e lo ta haciendo e dianan aki cu su passpoort den man”.
“Con mi por tin un sirbienta den mi cas cu ta cana cu su passpoort? Si e scapa y bay bek su pais, ken lo pagami e placa aki bek?”, e blogger specialisa den temanan di beyesa, a finaliza bisando cu “e no kier un sirbiente Filipino mas”.
“Bunita p’afo, mahos paden”
Alqattan a wordo duramente critica riba rednan social desde cu el a publica e video. Hopi ta e usuarionan cu a califica su comentarionan di “racista y favorabel na sclabitud”, y ta urgi e marcanan cu ta colabora cu e blogger pa corta nan relacion cun’e.
“Su cosnan caro y su cara bunita no por sconde su actitud putri”; “super bunita di pafo, desagradablemente mahos di paden”; “bo ta un ehempel bibo di un cara bunita cu’n curason mahos” of “kisas lo bo mester come un poco di bo make up pa bo ta bunita di paden tambe” tabata algun di e comentarionan cu e internautanan indigna a laga atras.