CALIFORNIA, Merca- Un fayo den un transformator diaranson a ocasiona un blackout den e compleho di Disneyland den e ciudad di Anaheim, según un vocero di e parke di atraccion, Elva Rubalcava, a informa.
Varios area di e parke tematico, incluyendo Mickey’s Toontown, Fantasyland, entre otro a stop di funciona door di e blackout cual a tarda pa wordo reestableci completamente.
Bishitantenan di e parke a comparti riba rednan social nan experiencia, manera esun di keda pega durante mei hora den e paseo nocturno den e barco di atraccion ‘It’s a small world’.
Mientras e atraccionnan tabata para, hopi di e bishitantenan a nenga di sali for di e parke. Esaki a genera rijnan largo den e instalacionnan. E parke a adverti e bishitantenan cu pa drenta e atraccionnan, lo mester warda entre 60 pa 150 minuut.
Fuente: https://actualidad.rt.com