E siman aki, e productor local Angel Antonio Soto cu orguyo ta informa Aruba cu su pelicula
BLACKOUT a gana e premio di miho pelicula internacional den e Festival anual di cine Lakecity na
New Delhi, India.
Esaki tawata e di dos festival di pelicula internacional pa 2022 cu Blackout a participa aden.
No mester lubida cu BLACKOUT a haya tambe 3 nominacion pa e final cu ta 12 y 13 di december den
e Northeast International India Film Festival (NIIFF) 2022 den Naithu Resort na Dimafur, Nagaland,
India. Blackout ta nomina pa Best Feature, Best Director y Best male Actor.
Nos ta felicita y desea Angel Soto y e grupo di actor di Blackout exito otro siman.