Play Off HEINEKEN fast pitch A-Klas a continua dialuna ultimo riba veld di Flatstone. Den e serie di best out 3 e muchanan di Esy Kelly esta Celebrities a sa di gana e prome wega y a pica ariba 1-0. Blackhawks di Everick Rincones no a entrega y a bataya formal dialuna ultimo cu alma y cuerpo pa logra un victoria di 9-8 riba Celebrities pa asina forsa un wega crucial y decisivo diaranson 14 di September 2016 cuminsando pa 7:15pm na veld di Kudawecha. Backhawks 9 careda, 7 hit, 2 eror. Celebreties 8 careda, 14 hit, 3 eror. Harold De Luvia ta bolbe bay completo pa seya e victoria riba su nomber. Albert Croes ta resulta pither perdedor ricibiendo relevo di Hildward Geerman den di 5 inning. Miho bateadornan pa Blackhawks tabata Jeisid De Kort 3-2 y Richel Boekhoudt di 4-2. Pa Celebrities a destaca na bate Wensley Kock 5-4, Ray Girigorie Bernabela 4-3, Albert Croes di 2-1. Pues softball den pleno accion. Yega tereno diaranson bin apoya bo ekipo faborito. Diaranson pa 9pm tambe lo bay tin otro wega clave entre Macuarima Indians y Balashi Premuim. Un wega di deskite pa determina kende lo reclama e puesto number 4 drentando playoff AA. Softball lorando!!!!!