Black Tie Foundation ta haci donacion na Fundacion Bon Nochi Drumi Dushi.

0

Na luna di september, Black Tie foundation a tene su actividad anual, cu e meta di recauda fondo pa un instancia na Aruba. E aña aki nan a dedica e fondonan recauda durante e anochi di baile y goso cu Doble R, na Fundacion Bon Nochi Drumi Dushi.
Fundacion Bon Nochi Drumi Dushi ta dedica tur donacion obteni na promocion di lesamento. Tur fondo recauda, door di instancianan, ta pa cubri gasto di material di promocion di e proyectonan, como tambe cubri e proceso y contenido di e proyectonan mes cu nan ta organisa durante aña. Esakinan ta entreotro e actividad di lesamento pa muchanan na cas, actividad di Tanto Cuenta den bario, proyecto Embahador di buki y Superheroe di storia, cu ta enfoka riba buki y storia y tambe actividadnan manera tayer cu informacion tocante mucha, comportacion y lesamento, y actividadnan cu oradornan invita pa duna presentacion pa e mayor y boluntarionan.
Fundacion Bon Nochi Drumi Dushi, den nomber di directiva, e fundacion su boluntarionan y tur mucha na Aruba, kier gradici Black Tie Foundation enormemente, pa nan bunita gesto.

Comments

comments