Diamars algo pasa di 7:30 anochi area di Pavia, Piedra Plat, Meiveld gran parti a keda sin coriente esaki a bay te cu area di jon tai. Un area basta grandi mes, di biaha personal di elmar a saca su tecniconan pa wak kico ta e causa. Pero habitante di Meiveld a raporta na centro di alarma di un explosion na un palo di luz cu tin transformator. Di biaha unidad di bombero a presenta na e sitio pero a tuma nota cu ta un blaas di helium tin pega na e wayanan di coriente. Un truck di elmar tambe a presenta y e tecnico a constata cu e blaas di helium cu ta di aluminium a dal den wayanan di voltahe halto y esaki a causa e storing y bula fuse. A kita e blaas aki y asina reestablece e coriente bek pa tur esnan afecta haya coriente bek.