CARACAS, Venezuela- Banco Central di Venezuela (BCV) a cuminsa cu e distribucion di e biyetenan di e sistema monetario nobo na banconan priva y publico. E conversion monetario nobo aki lo drenta na vigor dia 20 di augustus proximo.
E banconan publico tabata e promenan den ricibi e famia di biyetenan nobo, cu dialuna a cumisna yega e entidadnan priva dialuna ultimo.
Cu e yegada di e biyetenan nobo na entidadnan bancario, por cuminsa cu e pruebanan unda cu e placa di papel ta indispensabel, manera e ATM mashinnan.
Segun e informacion di Banco Central di Venezuela, e sistema monetario nobo lo ta forma pa dos moneda y ocho biyete, cual denominacion mas grandi lo ta di Bs. 500.
Dia 25 di juli, presidente di Venezuela, Nicolas Maduro a anuncia e incorporacion di elementonan nobo na e proceso di reconversion monetario, entre cual, e fihamento di un fecha nobo pa e entrada den circulacion di e sistema monetario nobo (20 di augustus), eliminacion ci 5 cero y su balor mara na e criptomoneda Petro, cual balor ta asocia na e canasta petrolero Venezolano.