E balor di bitcoin, e criptomoneda number un na mundo, a cay casi un 30% den e ultimo dianan y a experimenta su di tres caida importante e aña aki, según Bloomberg.
E caida dramatico aki a bin despues cu e cotizacion di e divisa virtual a yega su punto maximo di 7.882 dollar dia 8 di November ultimo. Desde e dia ey, e prijs di bitcoin a cay cu 29%.
Algun specialista ta kere cu un di e causanan principal di e fluctuacion tabata cu e inversionistanan a cambia su preferencia na fabor di e version alternativo, e bitcoin cash, cu a surgi na Augustus pa e “bifurcacion” di e moneda original.
E guera civil entres desaroyadonan y ‘mineronan’ di bitcoin a pusha personanan a bet pa monedanan virtual alternativo. De hecho, diaranson ultimo e actualisacion di algoritmo a keda cancela na ultimo momento. Esaki ta wordo uza den su cadenanan di transaccion pa evita un bifurcacion nobo.
Den e contexto aki, e balor di bitcoin cash dia 10 di November ultimo, a yega un record di 2.478 dollar. Sin embargo, for di e dia ey el a perde mas di mita, te cu dialuna el tabata tin un balor di bou di 1.200 dollar.
Anteriormente, capitalistanan di risico a pronostica cu monedanan fiduciario manera dollar of euro lo wordo reemplasa completamente pa criptodivisanan den un termino di cinco aña.
Fuente: https://actualidad.rt.com