LOS ANGELES, California – E bisti cu cual Marilyn Monroe a cansa su famoso “Happy Birthday” na presidente John F. Kennedy a wordo bendi pa 4.8 miyon di dollar, kibrando su propio record como e prenda mas caro cu a wordo bendi den un subasta.
E bisti a wordo cumpra pa Ripley’s Believe it or Not, un museo ubica na London cu ta expone obhetonan straño y famoso, e cas di subasta Julien’s, durante un subasta yama “E coleccionnan di Marilyn Monroe,” a tuma luga na Los Angeles.
“Awe tabata un di e momentonan di mas importante den historia di e compania,” Daren Julien, presidente y CEO di e cas di subasta Julien’s a sigura den un comunicado diabierna.
“Nos tabata increiblemente privilegia pa tin e oportunidad di ofrece e mariviyoso bisti di e streya di cine mas legendario di cine di tur tempo.”
Crea pa e diseñador di Hollywood, Jean Louis, e bisti a wordo bendi pa 1,27 miyon di dollar den un subasta di e cas Christie’s na 1999, estableciendo un record nobo como e prenda personal mas caro cu a wordo bendi den un subasta.
Monroe a bisti e famoso prensa den e cumpleaños number 45 di Kennedy, cu a tuma luga den Madison Square Garden di New York, dia 19 di Mei 1962. Ta wordo bisa cu e bisti tabata asina preta cu nan mester a haci un costura special pa e por apon’e prome cu el a subi stage pa canta “Happy Birthday.”
Fuente: CNN Estilo