CUZCO, Peru- Segun informenan, 45 polis a wordo manda pa e luga di linchamento, pero nan no por a evita esaki. E homber a logra sobrevivi, pero e ta den estado grave.
Vicente Pimentel Huaicho, un homber di 41 aña acusa di ta horta pieza di auto, a wordo agredi diamars pa un multitud di casi 800 persona, na Cuzco, segun RPP Noticias a informa.
Esaki a tuma luga den e distrito di Santo Tomas, ubica den e provincia di Chumbivilcas. E habitantenan a sorprende e homber ta horta den un auto, nan a want’e y a hib’e pa un plasa. Eynan nan a mar’e na un mas, a bash’ e cu gasoline y lo a cende na candela.
https://youtu.be/knC8zE2wZXQ
A pesar di cu 45 polis a wordo manda pa e luga, nan no por a evita e agresion. E agentenan a paga e candela y a traslada e homber pa un hospital, unda cu e lo keda interna pa kemaduranan di tercer grado den 45% di su curpa.
Prensa local a indica cu e residentenan local a haci husticia despues di reportenan di robo den e zona, ademas di a acusa Huaicho di e morto di un bisiña.