“Ta yega un momento caminda cu e ciudadania ta cansa, e bario ta cansa,” un persona a bisa prensa Argentino.
E bisiñanan cansa di e insiguridad den e Bario Feliz U. Camet, ubica mas of menos 10 kilometer leu di e ciudad di Mar de Plata, den e provincia Argentino di Buenos Aires, a colga banner caminda nan ta laga advertencia n’e delincuentenan cu kier haci nan fechoria den e localidad.
Riba un di e bannernan por lesa: “Rastrero (ladron), si bo bin den e bario pa horta, lubida. Nos no ta yama polis, nos lo regl’e nos mes.” Hunto cu e mensahe tin dos imagen, un di un arma di candela y e otro un icono di alarma.
“Atencion chorros (ladron), dedica boso na otro cos, aki nos ta organisa,” por a lesa riba otro banner cu a wordo colga den e bario.
E bisiñanan a colga 10 banner en total, den diferente zona di e localidad di 200 blok di extension, segun e website Noticias Argentinas, a reporta.
“Ta yega un momento caminda cu e ciudadania ta cansa, e bario ta cansa, cu e particularidad cu den e bario e bisiñanan ta di ehercito, di marina y prefectu4ra. Nan ta carga arma. Recien un bisiña a bisa: “Si nos mester uza forsa, nos lo uz’e. Nos no lo bay permiti pa nan sigui horta ningun hende den e bario,” Luciano IUbarra, presidente di e Sociedad de Fomento di e bario, a bisa, cita dne e medio menciona.
Tambe, den declaracion na TN, e bisiña a comenta cu nan ta compronde cu no ta coresponde na nan pa tuma husticia den nan man; no obstante, nan ta señala cu “e estado a core (di) e responsabilidad cu nan tin, cu ta cuida e ciudadano di bon o sea, brinda nan siguridad.”
“Nos no mester ni kier sali riba caya pidi husticia na ningun hende (…) pero, esaki no por sigui asina mas. Esaki ta hiba na un aña teribel,” el a enfatisa.
Segun e bisiña, for di Comisaria 15, cu ta funciona den e luga, a inform’e cu a recorta e recursonan for di e administracion provincial.
“Nos no tin problema cu e comisario, pasobra e comisario ta traha, loke ta pasa ta cu for di e provincia di Buenos Aires, nan a corta e recursonan,” el a detaya.