Recientemente Ralph & Ellen Nottingham a wordo honra como Embahador di Esmeralda pa e isla di Aruba.
E huesped nan aki ta hopi special mes cu ta bishitando nos isla pa mas di 40 aña caba consecutivamente. Robert & Sherrie Agnew y tambe Robert Albrecht a wordo honra como bishitante distingui pa e isla di Aruba.
E titulo simbolico aki ta wordo presenta den nomber di Minister di Turismo como un muestra di aprecio pa e bishitante nan cu ta regresa Aruba. Sr. Ricardo Croes di ATA a haci entrega di e certificado aki durante un ceremonia oficial na Residencia Saliña Serca 25 G.
Ralph ta comenta cu nan no lo cambia Aruba nunca pa un otro isla , door di su beach nan blanco bunita y su hende nan amabel.
Ariba e potret nan por aprecia Sr. Ricardo Croes di ATA hunto cu e honrado nan y tambe Heidy cu ta un amiga personal di nan for di añanan ’70.