Recientemente Aruba a ricibi bishita di un grupo di agente di viahe procedente di Alemania y Austria. E grupo cu ta consisti di 5 persona, cual tin di nan ta account managers y agente di biahe nobo, otronan cu ta agentenan di biahe pa Aruba a various aña caba, pero sinembargo tin hopi tempo sin bishita nos isla, y asina a bin pa familiarisa di nobo cu Aruba. E bishita aki tabata importante pa asina e agentenan cera conoci cu e producto Aruba mas miho, y asina aki duna Aruba e oportunidad pa mustra e calidad di nos acomodacion, restaurantnan, y hospitalidad.
Durante nan bishita riba nos isla, representantenan a keda cerca hotel Divi Aruba All Inclusive y a disfruta di diferente actividad cu Aruba tin pa ofrece. Asina aki nan a wordo invita pa experencia un “Exiting outdoor dining”, un paseo riba Catamaran, y un paseo rond nos isla. Como parti di nan trip, e agente di biaha ta haya e oprtunidad pa familiarisa cu e diferente acomodacionnan cu Aruba tin pa ofrece. Asina aki nan a bishita Amsterdam Manor, Bucuti & Tara Beach Resort, Manchebo Beach Resort, Aruba Marriott Resort & Stellaris Casino, Renaissance Aruba Resort, Holiday Inn Resort, The Mill, Hyatt Regency, Boardwalk Aruba y Tierra del Sol.
E agentenan di biahe tabata impresiona cu e calidad cu nos isla tin pa ofrece. Specialmente cu e amabalidad di nos hendenan y tambe di e hecho cu nos ta un nacion cu ta domina varios lenguahe incluyendo esun Aleman. Ademas, nan tabata hopi satisfecho cu e servicio cu nan a ricibi na e diferente establecimento riba nos isla, nos bunita playanan, restaurant y acomodacion di calidad halto.
Alemania y Austria nan economia ta wordo clasifica como un di e top 20 nan den mundo a base di nan GDP. Esaki ta haci’e un mercando interesante pa Aruba mercadia aden y sigui crece. Te cu November di e aña aki nos a ricibi bishita di 4,287 bishitante procedente di Alemania, mientras tanto a ricibi 504 di Austria.
Ta e esfuerso incansabel di e ekipo di Aruba Tourism Authority cu ta organisa biahenan manera esaki pa asina introduci agentenan di biahe na nos isla cu na nan turno ta partner clave pa yuda nos bende Aruba den e mercado. E bishita aki cu e agentenan di biahe ta conforme e maneho pa sigui inverti den crecemento di mercadonancu tin potencial pa ta rendabel pa Aruba.