Boneiro: Minister Raymond Knops di Asuntu Interno y Relacion den Reino lo ta di bishita na islanan ABC riba 12 pa 16 di yanüari. Ta trata di un bishita di trabou regular na e 3 islanan.
E bishita ta cuminsa na Aruba kaminda banda di un combersacion cu Gobernador y Minister President, e minister ta bay pone su mes na altura di cuido di monumento, e trabounan di Fundacion pa Hende Muhe den Dificultad y Instituto Medical San Nicolas.
Riba e di dos dia di su bishita Minister Knops e lo ta na Boneiro. Aki e ta combersa cu entre otro Colegio Ehecutivo y Conseho Insular. Banda di esey e minister lo ta presente na entrega di e prome seri di bibienda sosial pa huur.
Diaranson y diahuebs su bishita lo continua na Corsou. Banda di combersacion cu Gobernador y Minister President e bishita lo ta den cuadro di Justitieel Vierpartijenoverleg (JVO) (e encuentro entre e cuater paisnan pa loke ta trata hustisia y siguridad). Durante di e reunionnan aki Ministernan di Hulanda, Aruba, Corsou y Sint-Maarten lo papia riba varios topico ku tin di haber cu siguridad na e 6 islanan Caribeño den Reino Hulandes.