MARIGOT, Saint Martin – Presidente Frances a wordo fotografia hunto cu dos hoben di e isla di Saint Martin, un di cual a mustra e dede mei mei na e camara y e otro a revela cu e ta un “ladron” cu a sali for di prizon recientemente.
Emmanuel Macron, presidente di Francia, a lanta polemica durante su reciente bishita na e isla Caribense di Saint Martin (territorio ultramar Frances), cual aña pasa a wordo destrui door di horcan Irma, segun le Figaro a informa. E lider Frances a inspecciona e zonanan afecta pa e desastre natural, a drenta casnan y a papia cu e habitantenan over nan bida y e reconstruccion di nan vivienda despues di e tragedia.
Durante su bishita, Macron a wordo sigui pa varios fotograaf y a pose pa potret cu varios residente local pa mustra supuesto exitonan di campaña di reconstruccion. Sin embargo, e triki di Relacionnan Publico a sali Macron malo. E alegre presidente a wordo fotografia cu dos hoben, un di nan cual, sin camisa a mustra dede mei mei na e camaranan y e otro a revela cu e ta un ladron cu recientemente a sali di prizon.
Leu di mustra comprometi, e mandatario no a mustra den shock pa e confesion y a bisa e homber cu mester laga su pasado criminal atras y participa den e reconstruccion di e isla. Pero e imagennan controversial aki a causa criticanan pa parti di su comunidad y oposicion Frances.
“Ni sikier nos ta haya palabra pa expresa nos indignacion. Francia di berdad no merece esaki. E ta algo imperdonabel!, Marine Le Pen, lider di e Agrupacion Nacional, partido politico Frances di extrema derecha a scirbi ariba su cuenta di Twitter.
Otro usuarionan di e red social a sigura cu Macron a bergonsa e pais. Otronan a señala cu e hendenan den e regionn destrui pa horcan ta spera yudansa na luga di oportunidad pa saca potret cu e presidente.
Tabata e propio mandatario cu mas laat a defende su accionnan bisando cu su obhetivo tabata di yuda tur e hobennan di Saint Martin. “Mi ta stima tur e muchanan di e republica, sea cual sea nan coi kensnan cu nan ta haci”, Macron a sigura.