Su Mahestad Rey, su Mahestad Reina Máxima y su Altesa Real Princes di Oranje ta hiba un bishita diabierna 27 di januari te cu diahuebs 9 di februari 2023 na e parti Caribense di Reino. Consecutivamente nan lo bishita Boneiro, Aruba y Curaçao. Despues nan lo biaha pa Sint Maarten, Sint Eustatius y Saba. E meta di e bishita ta pa cera e Princes di Oranje conoci cu e parti Caribense di Reino. E islanan tin un programa compila caminda cultura, naturalesa, historia colonial, despliegue di defensa, deporte y encuentro cu habitantenan ta para central.
Secretario di Estado Van Huffelen di Relacionnan di Reino y Digitalisacion lo guia e famia Real
Boneiro, diabierna 27 di januari y diasabra 28 di januari
E Rey, Reina Máxima y Princes di Oranje lo yega Boneiro diabierna atardi, caminda gezaghebber Edison Rijna lo ricibi nan na aeropuerto. Diasabra mainta gezaghebber lo ricibi e famia Real na su residencia oficial, miembronan di Conseho Insular y Diputadonan tambe lo ta presente.
Seguidamente nan lo hiba un bishita na e casnan di esclavo “slavenhutjes” na Witte Pan, cu ta un simbolo di e historia di sclavitud na Boneiro. E famia Real lo continua cu un tour na costa pabou sigui pa un bishita na Nos Zjilea na Parke Cultural Mangazina di Rei, unda lo tin un exposicion di e herencia cultural-historico di Boneiro. E habitantenan di e bario lo conta mas tocante nan barionan, un famia di cuater generacion lo horna pan den un forno di piedra antiguo y muchanan di scol basico lo presenta cu un scol di orkesta. Tambe e compania lo observa un exposicion di historia di e isla. Terminando e mainta cu un lunch cu pueblo di Boneiro na Arawak pa combersa tocante temanan manera, cambio di clima, desaroyo di agricultura, y combate di pobresa.
Den oranan di merdia e bishita lo sigui na boca di Sorobon unda un demostracion di windsurf lo tuma lugar. Boneiro ta conoci pa su condicionnan faborabel pa windsur y e talentonan cue saki a produci. E pareha Real hunto cu e Princes di Oranje despues di esaki lo sigui den combersacion cu junior ranger di Stichting Nationale Parken Bonaire (STINAPA) tocante proteccion di naturalesa y area di costa. E famia lo keiro den boto den e boca di Sorobon pa despues pasa den e mangelnan.
Na Boneiro lo clausura e bishita den oranan di anochi na Kralendijk cu un bishita na ‘Tase of Bonaire’, en mercado cultural cu productonan local, gastronomia y show musical.
Aruba, dialuna 30 januari
E Rey, Reina Máxima y Princes di Oranje ta yega Oranjestad dialuna mainta, unda den un ceremonia na Wilhelminaplein lo yama nan bonbini. Despues di un combersacion cu gobernador Alfonso Boekhoudt, lo cana bay Parlamento pa un encuentro cu lidernan di fraccion. Na final lo sigui pa Cocolishi, caminda conseho di minister ta sinta. Aki tin un lunch cu prome minister y ministernan. Na caminda publico lo ricibi nan hunto cu un ‘leerorkest’ y un presentacion di e coro hubenil tambe lo tuma lugar.
E merdia lo ta den cuadro di un bishita na San Nicolas, un ciudad cu caracter artistico. Na Filomena Collega un presentacion tocante Boy Ecury lo tuma lugar, un Heroe di resistencia Arubano-Hulandes. E presentacion ta tuma lugar na e ‘mural’ tocante Ecury. Durante e paseo na pia dor di e caya nan di San Nicolas e otro muralnan colorido lo ta e tema central. E pinturanan grandi riba muraya aki a nace durante e Aruba Art Fair, produci pa artistanan local y internacional. E famia lo tin un bishita cortico tambe na Museo di Industria sigui pa un presentacion riba caya di entre otro ‘breakdance’, y un show carnavalesco presenta pa hobennan.
Aruba, diamars 31 di januari
Mainta e Pareha Real y e Princes di Oranje lo bishita Parke Nacional Arikok. E area protegi aki ta cubri 20% di Aruba. Nan lo hike den Parke, cera conoci cu e creadornan di un pelicula di naturalesa tocante e seis islanan y combersa cu e junior rangers den e centro di cultivacion tocante mantencion y supervision.
Despues ta sigui un bishita di e compania na Koninklijke Aruba Aloe, estableci na 1890. E compania Real lo mira con e compania ta cultiva aloe vera y ta produci productionan di cuido mientras tambe lo bay den combersacion cu e empleadonan.
Merdia e compania Real ta bishita Universidad di Aruba. Presenciando un parti di un ‘hoorcollege’ tocante derecho Caribense y combersa cu studiantenan presente.
Despues Rey y e Princes di Oranje ta hiba un bishita na academia di voetbal den Compleho Deportivo Frans Figaroa. Aki hobennan talentoso ta ricibi training di voetbal den colaboracion cu KNVB.
Reina Máxima lo hiba un bishita den pueblo bishitando un cunukero cu ta participante di e Business Academy di dunado di prestamo Qredits.
Anochi lo tin Bon Bini Festival na Fort Zoutman. Despues di e paseo riba Plaza Padú, caminda un presentacion di producto local y show musical lo tuma lugar, e famia Real lo presencia un exploracion di cultura y historia di Aruba, cu musica y baile Caribense.
Aruba/Curaçao, diaranson 1 februari
E pareha Real y e Princes di Oranje lo nabega di Aruba pa Corsou riba e barco di Marina Hulandes Zr.Ms.Holland, cu ta staciona den region Caribense. Abordo lo tene un combersacion tocante e aporte di ministerio di Defensa den region Caribense, sigui pa un recorido riba e barco y demostracion. Defensa ta duna aporte na siguridad den tur parti di Reino Hulandes. Den e parti Caribense tin algun kazerne pa por cumpli cu tres tarea principal: proteccion di integridad di e teritorio, promocion y mantencion di orden huridico internacional y sosten di autoridadnan local. Ehempel di esaki ta operacion contra traficacion di droga, sosten pa accionnan di rescate y yudansa di urgencia ora di horcan.
Na yegada den Bahia di Santa Ana di Willemstad, Governador Lucille George-Wout ta saluda, sigui pa un ceremonia di bon bini pa e bishita na Corsou.
Corsou diahuebs 2 di februari
Na Willemstad e bishita ta cuminsa cu un caminata riba Brug Ponton pa Brionplein, caminda Rey ta haci apertura di inscripcion pa Weganan di Rey. Muchanan di scol di fundeshi (scol basico) ta participa na weganan deportivo riba e plenchi. Despues ta haci un bishita na e bario di Otrobanda. Durante di e recorido ta papia cu habitante, artina y tin presentacion musical. Ta sigui cu un lunch cu autoridadnan di Corsou den Palacio di Gobernador.
Merdia e compania Real ta bishita e barionan di Punda y Scharloo. Den Punda Rey ta traha un moneda pa recorda 25 aña di Willemstad como ciudad di Herencia Cultural di UNESCO. Tambe nan ta pinta un Chichi, un escultura tipico di Corsou cu ta simbolisa e ruman muher mayor responsabel den un famia. Despues nan ta sigui pa e bario di Scharloo, cu tin arte di caya, musica y proyectonan di deporte pa hoben. E recorido ta termina riba Brug Princes Amalia, caminda e compania lo scucha e Wals Amalia cu ta componi specialmente pa e Princes.
Anochi tin un cena na cathedral van Doornen, cu bintiun Yiu di Corsou cu ta nifica algo den comunidad. E cantidad di invitado ta simbolo pa 21 aña matrimonial di e Pareha Real riba e dia ey.
Corsou, diabierna 3 di februari.
Mainta e compania Real ta bishita Landhuis Kenepa, e plantashi antiguo caminda Tula a cuminsa cu e revolucion na 1795. Nan ta presencia un presentacion tocante di e revolucion y ta papia cu descendientenan di esnan cu a haci catibo. Despues lo hiba un bishita pa parke di naturalesa Hofi Mango, cu tabata un plantacion di sucu y cu awor ta un parke di naturalesa, caminda awor a lanta entre otro un estudio di hardinero.
Merdia Rey, Reina Máxima y e Princes di Oranje ta presencia un presentacion na e lama di Cas Abou di Sea Turtle Conservation y Dutch Caribbean Alliance (DCNA) tocante teritorio di lama protega y conservacion di e poblacion di turtuga.
Pa termina e bishita na Corsou tin un Concierto di Tumba cu presentacion carnavalesco e anochi riba Brionplein. Ta organisa e anochi na honor di defunto Boy Dan, cu ta wordo considera e rei di Tuma. Tuma ta un tipo di baile y musica cu tin su origen na Africa.
Sint Maarten dialuna 6 di februari
Na Sint Maarten Gobernador Ajamu Baly ta ricibi Rey, Reina Máxima y e Princes di Oranje na Princess Juliana International Airport. E prome dia di e bishita na Sint Maarten ta den cuadro di recuperacion di e isla despues di destruccion di horcan Irma na september 2017. E compania ta bishita aeropuerto cu aworaki ainda ta den reconstruccion. Tambe ta haci un bishita na e servicionan di asistencia y e emergencia caminda e Pareha Real y e Princes di Oranje ta asisti un entrenamento di desaster. Despues nan ta bishita SXM Medical Center. E hospital aki tin un funcion hopi importante den region y ta trata hopi patiënt di Sint Eustatius y Saba. E Pareha Real y e Princes ta papia cu patiënt y ta ricibi informacion tocante e expancion di e hospital. Ta sigui despues pa un lunch cu conseho di minister.
Merdia e compania ta bishita e ruta di mural Color Me SXM den Philipsburg. E muralnan aki tin como meta pa haci Philipsburg mas agradabel pa biba awor cu ainda tin hopi edificio para bashi of destrui despues di e horcan. Pa termina e dia Sint Maarten ta presenta su bida cultural durante di un caminata y cu un concierto riba Boardwalk di Philipsburg.
Sint Maarten, diamars 7 di februari
E Pareha Real y e Princes di Oranje ta bishita Fort Amsterdam mainta. Akinan nan ta bay haci un expedicion di parha y ta bay busca e pelican bruin, e parha nacional di e isla. Tambe nan ta ricibi splicacion tocante historia di e forti. Caba nan ta topa cu miembronan di parlamento y parlamento hubenil di Sint Maarten. Na facilidad di vivienda White and Yellow Cross nan ta bishita e pasadia di grandinan y persona cu desabilidad. Despues e compania ta sigui pa un feria di sciencia caminda alumno di scol basico y scol secundario ta presenta nan solucion pa e problema di sushi di plastic riba e isla.
Merdia Rey, Reina Máxima y e Princes di Oranje ta bishita Resources for Community Resilience (R4CR). Cu fondonan di Banco Mundial R4CR ta financia proyectonan dirigi riba reconstruccion di Sint Maarten despues di Irma. E compania ta combersa cu un hoben tocante nan trabou pa diferente organisacion. Despues ta sigui cu un bishita di e Pareha Real y e Princes na un proyecto di cura di scol, ccaminda nan ta combersa cu muchanan di scol tocante e trabou den cura y tocante e importancia di traha cu mata riba nan salud mental. Den Emilio Wilson PARK Muchanan di scol ta conta tocante nan soñonan pa futuro di Sint Maarten y nan ta planta den presencia di e compania un “Yellow sage”, e flor nacional di e isla. Ta sigui un bishita di Rey, Reina Máxima y e Princes di Oranje na Sint Peters Hill caminda nan ta ricibi splicacion tocante conseracion di naturalesa na Sint Maarten. E sero aki ta pega cu e parti frances di e isla. Ta sera e atardi cu wega di baseball di hoben.
Anochi e compania ta bishita Gobernador y ta topa diferente habitante di Sint Maarten.
Sint Eustatius, diaranson 8 di februari
Comisario di Gobierno Alida Francis ta ricibi e compania Real na Sint Eustatius y nan ta papia cu autoridadnan. Durante un paseo dor di e centro historico di Oranjestad nan ta topa cu diferente habitante di Sint Eustatius cu ta conta tocante di nan bida riba e isla. Tambe ta para keto durante di e caminata riba e pasado di sclavitud. E Pareha Real y e Princes di Oranje ta sigui pa un debate cu hoben caminda ta elabora riba futuro di hoben riba e isla.
Despues di un lunch cu habitante di Sint Eustatius Rey, Reina Máxima y e Princes di Oranje ta bishita Zeelandia Beach caminda nan ta ricibi splicacion tocante e mantencion di naturalesa riba e isla y tocante e anual Beach Clean Up di Statia-doet. E compania ta sigui despues pa un cura di comunidad caminda nan ta papia cu agrarionan tocante e suministro di cuminda na Sint Eustatius. Dor cu hopi cuminda ta importa, prijsnan ta halto y tin un scarcedad di prodictp fresco riba e isla. Na final e compania ta participa den un entrenamento di basketball cu muchanan di scol. E bishita na Sint Eustatius ta termina cu un manifestacion den Fort Oranje cu ta den cuadro di e Herencia Cultural di Sint Eustatius.
Saba, diahuebs, 9 di februari
Ta clausura e bishita na Saba. Gezaghebber Jonathan Johnson ta ricibi Rey y Reina Máxima y e Princes di Oranje y despues nan ta ricibi un splicacion di e suministro di energia na Saba. E meta di Saba ta pa durante e proximo añanan pasa pa energia duradero (energieneutraal). Despues e pareha Real y e Princes di Oranje ta bishita e pueblo di Zion’s Hill caminda nan ta ricibi un splicacion di “kantklossen”. Esaki ta un tradicion na Saba y ta un tecnica pa traha canchi. Durante un caminata den e pueblo di Windwardside e pareha Real y e Princes di Oranje ta topa cu varios habitante. Lo presenta un obra teatral y artista y empresarionan ta conta di nan trabou. Tambe Rey, Reina Máxima y e Princes di Oranje ta bishita e museo di Harry L. Johnson caminda nan ta haña splicacion di bida na Saba durante e añanan.
Despues di un lunch cu e autoridadnan di Saba, nan ta bishita e Expertise Education Center Saba na St. Johns. E centro di educacion aki ta duna sosten na alumnonan vulnerabel. Na 2021 e organisacion aki a gana un Appeltje van Oranje di e Fondo di Oranje. Despues e Pareha Real y e Princes di Oranje ta sigui cu e waf caminda nan ta haña un splicacion di e plannan di construccion pa un waf nobo pa e isla. Mesora despues scientificonan ta conta di e proyecto cu bushi di lama Diadema. E bushi aki ta yuda restaura coral dor di come alga cu ta tapa e coral. Por ultimo e Rey, Reina Máxima y e Princes di Oranje ta bishita e pueblo The Bottom caminda na e cancha di Cruijff mas grandi na mundo, nan ta haci deporte cu mucha.
