PARIS, Francia – E ta wordo yama Le Grand K: e kilo cu ta e criterio pa tur e kilogramnan na mundo. Pero e cilinder di metal e siman aki lo por perde su status. Diamars a cuminsa na Versaille (Francia) un conferencia unda lo vota cambia e sistema di midimento.
Durante 130 aña, un cilindro metrico cera bou di dos bel di glas na Sevres, aris a sirbi di standard pa e medicion di masa. Cada 40 aña mas o menos, funcionarionan ta sak’e di eynan pa calibra pesonan di mundo henter, pero otro siman aki cosnan por cambia.
Problema ta cu e blok di metal, desde cu el a cuminsa wordo uza na 1889, a cambia di peso. Na un manera enigmatico e total di kilo a bira algun microgram mas lihe, posiblemente door cu algun pida metalnan masha chikito di e blok a wordo geschrap ora di haci’e limpi.
Fisiconan kier awo prescindi di Grand K, manera e pida pida alineacion di platino y iridio, segun e revista Science y reemplaza esaki como midido pa un calcuco for di diferente prueba fisico. E decision lo wordo someti na votacion den e di 26 Conferencia General di Peso y Medida cu e ciudad Frances Versaille otro siman.
Diabierna delegadonan di 60 pais miembro di e Sistema Internacional di Unidad lo vota riba e opcion di redefini cuater unidad basico, kilogram, ampere, kelvin y mol, pa no tin necesidad di comparanan cada rato cu nan respectivo patronchi di referencia. Di e manera aki, e cuaternan aki lo uni na tres otro unidad basico cu ya ta defini di e manera aki: e kwadraat, meter y candela (medida di luminosidad).
E metrologo di BIMP, Stefanie de Mirandes a señala cu “e bunita di e redefinicion” ta “no ta limita na un solo tecnologia”.
Loke Mirandes y otro cientificonan ta buscando ta pa haci e unidadnan mas stabiel y permiti cientificonan desaroya tecnicanan cada biaha mas preciso y flexibel pa converti e unidad di medida. Si e propuesta wordo aproba, e cambio lo drenta na vigor na mei 2019.