Segun resumen di awe 61 persona a recupera y un total di 93 caso nobo di COVID-19 a keda registra cual 6 ta turista y 87 ta residente.
E cifranan aki ta representa un ‘Positivity rate’ bou di nos residentenan di 28%. Cantidad di casonan activo di COVID-19 pa awe ta 764 y cantidad di fayecidonan relaciona cu COVID-19 ta 128.
Datos di COVID ta ilustra casonan nobo cu un average semanal di 89 caso pa dia y un average di ‘positivity rate’ semanal di 25% pa dia.
Tin actualmente 66 persona interna cu COVID di cual 12 ta den ICU na Aruba, 15 den ICU na Colombia y 39 riba piso general na Aruba.
Segun inormacion ricibi adicional, hopi di e personanan den ICU y den hospital tin problema di sobrepeso y gran mayoria no ta vacuna. E aumento di e cantidad di pashentnan a pone cu mester a habri un piso adicional pa pashentnan di COVID y den e dianan aki tin mas hende cu lo wordo manda Colombia.