Binti mucha herida den atake cu martiu na scol

BEIJING, China- Diamars un homber a herida 20 mucha, den un scol na Beijing, di cual tres di gravedad, prome cu el a wordo deteni. Esaki a wordo anuncia door di autoridadnan, segun e agencia AFP.
E muchanan a wordo traslada pa hospital y e tres muchanan mas grave nan condicion ta stabiel y no ta core peliger, autoridadnan a agrega. E atake a tuma luga pa 11 or y 17 di mainta, ora local.
E autor di e agresion a wordo deteni na e luga di e echonan, segun autoridadnan a bisa, sin duna mas detaye.
E corant Global Times a afirma cu e homber tabata tin un martiu.
Den pasado caba, atakenan similar a yega di tuma luga den tipo di establecimentonan escolar.

Comments

comments