Un otro trayecto di e programa Formacion Social a finalisa y cu mayoria di participante ricibiendo nan certificado.
Sargent Rayron Thiel ta un di e personanan encarga cu e programa y el a splica c una momento cu e grupo aki a inicia, nan tabatin 24 participante. Y awo 20 di nan a gradua. Un porcentahe basta halto toch.
E grupo y e curso e biaha aki tabata uno basta duro. Mester tene cuenta cu el a cuminsa net na momento cu Aruba tabata den pandemia. Esaki a haci cu nan mester a adapta e programa pa cumpli cu e reglanan di Crisis Team. A pesar di tur cos, e tabata un di e gruponan mas grandi di graduado.
Nan ultimo siman tabata e Death Point, ora cu nan a drenta un concentracion riba diadomingo pa demostra di a cumpli cu tur e habilidadnan cu a entrena nan riba dje durante e ultimo lunanan.
Sargeant Thiel ta sigur cu e grupo lo finalisa cu exito tambe e parti dos di e programa, cu ta e stage.
Lionel Croes tabata un di e participantenan di e programa di Formacion Social, y el a bisa di ta sumamente contento di e participa. E prome parti a concentra hopi riba nan disciplina y respet no solamente pa nan mes, pero pa otronan, y durante ehercicio di cualkier trabou cu nan haya den futuro. El a admiti si e tabata un parti pisa e prome parti, pero e ta contento cu e experencia y e resultado final, unda cu el a pas’e cu exito.
Croes a bisa cu e ta masha interesa pa sigui cu e estudio di Arumil pa cual e mester bay Corsou.