Diaranson, pa mas of menos 4’or y 40 di atardi, durante patruya na Playa na altura di Aruba Bank den caya grandi, a bin topa cu e conocido adicto ambulante “Bin Laden”,kende na e momento ey tabata molestiando e peatonnan. A papia cun’e riba su comportacion, pero e no a mustra ningun comprension y a cuminsa grita y a cana bay direccion “Prikichi Minimarket.” Polis a wanta e adicto fastioso aki, pero esaki a cuminsa insulta y a cana bay direccion di warda di polis y na grito cu e ta sinti su mes menasa. “Bin Laden” a cana drenta den warda di Playa, pero for di eynan tambe el a wordo cori. Seguidamente el a bandona warda di polis y e tabata hopi rabia. Gobierno mester haci algo rapidamente. Dicho adicto ambulante mester wordo interna den un instancia debi na e diferente malesanan di caya cu e tin. Esaki no por sigui y tin atencion di polis. Central a wordo poni na altura.