Directiva di Centro di Bario Playa Pabao ta invita hobennan di Playa Pabao cu ta bishitando scolnan basico pa forma parti di nan grupo di baile di San Juan. E grupo aki ya ta existi pa varios aña y e meta di grupo aki ta pa no solamente siña nos muchanan e baile di San Juan pero tambe e historia di e fiesta aki. E aña aki e grupo aki lo ta den man di juffrouw Lia Lopez cu ta recibi e muchanan di 1ste te cu 3de klas tur diarason merdia di 2.30 pm pa 3.30 pm na nos Centro mientras e muchanan grandi e lesnan lo ta di 3.30 pm pa 4.30 pm. E prome encuentro lo ta diarason dia 7 di juni. Juffrouw Lia lo duna informacion di nos fiesta cultural esta Dera Gay pa despues sigui cu e promer les di e baile di San Juan. E intencion ta pa e grupo aki duna un presentacion durante e fiesta di San Juan dia 24 di Juni na Centro di Bario Playa Pabao. Pues muchanan pasa inscribi diaranson 7 di juni pa asina bo tambe forma parti di e grupo di baile di San Juan di Centro di Bario Playa Pabao.