FAVI, Fundacion Arubano di esnan Visualmente Incapacita ta organisa su di 6 caminata di 5 km. Esaki lo ta riba diadomingo 19 di maart proximo. FAVI kier a invita tur hende pa yega trempan na e caminata. Registracion lo cuminsa 4:00 di atardi. E caminata lo cuminsa pa exactamente 5:30pm.
E caminata ta cuminsa na Fishermen’s hut bay direccion di Arashi y bolbe pa termina na e punto di salida, Fishermen’s hut.
FAVI lo percura pa tin fruta y algo di bebe disponibel durante y na final di e caminata pa tur participante. Tambe nos lo saca doorprize di diferente premio atractivo.
Lo bay tin medaya como premio pa e canadornan y coredornan, masculino y femenino, pa mucha y cliente cu yega na prome lugar.
Ticketnan pa e caminata ta obtenibel na centro di FAVI na Primavera 233 pa solamente Afl 5,-.
Tur fondo recauda, FAVI ta usa pa nos por sigui brinda y ofrece servicio na tur persona cu tin un limitacion di bista. Di antemano nos ta a gradici tur sponser cu di un of otro manera a contribui na e caminata. Pa mas informacion of pa tickets por yama nos libremente na 582-5222 of 582-5051. FAVI kier invita bo pa bin pasa un rato alegre y saludabel. Cumpra bo ticket tempran pa bo no keda afo!