Bill Gates ta adverti cu un siguiente pandemia lo por ta 10 biaha mas pio

Recientemente filantropo biyonario Bill Gates a adverti cu un siguiente pandemia lo ta 10 biaha mas pio di loke nos ta bibando awor y humanidad no ta prepara p’e. El a insisti tambe cu hende mester siña e lesnan cu Covid19 ta dunando nos, segun el a expresa den un entrevista di portal RT di media Aleman.

Segun e biyonario ta sigui bisa, “nos no ta prepara pa un siguiente pandemia,” na mesun momento e ta spera cu e situacion aki cambia den par di aña, indicando riba e axes di oportunidad manera medicina, tests, vacuna, epidemiologia y follow-up. E ta bisa cu si e pandemia lo a desaroya cinco aña atras, e mundo no lo por a logra na bin cu un vacuna mesun lihe, dunando un pabien na e cientificonan cu a logra haci esaki den un tempo rapido.

Esaki no ta prome biaha cu Gates ta adverti riba malesnan den futuro, den un entrevista cu Financial Times via skype na April 2020, el a bisa cu e pandemia di coronavirus ta un di e eventonan di mas grandi cu hopi hende lo experiencia den henter nan bida, y cu uno similar na esaki por sosode cada pasa 20 aña.

Fuente: ENTREPRENEUR.COM

Comments

comments