ARKANSAS, Merca- Bill Clinton un biaha mas ta hay’e confronta cu kehonan di acoso sexual di parti di cuater dama, segun fuentenan di partido Democraat y un persona prominente cu a traha den e gobierno di tanto Clinton como Obama.
E kehonan actual contra di ex- presidente Bill Clinton, kende su pasado ta yena cu cargonan di conducta sexual inapropia, ta data for di e periodo despues cu el a bandona Cas Blanco na 2001, segun e fuente.
Abogadonan den representacion di e 4 muhenan aki, kendenan ta coordinando nan esfuersonan, a notifica Clinton cu nan ta preparando pa entama cuater demanda hudicial, cada uno apart, den su contra.
Como parti di e negociacionnan andando, e abogadonan pa e cuater muhenan aki ta pidiendo un suma considerabel a cambio di nan silencio.
Un miembro di Clinton su ekipo legal, a confirma e existencia di e acusacionnan aki.
Fuente: http://www.prinforma.com