Biljard Jani Brokke Memorial 60+ a yega su final

Diadomingo pa 7 or di anochi e final di e biljard den cuadra di e Jani Brokke Memorial a termina.
Despues di dos weekend di bataya fuerte ariba e mesa di biljard na Sabana Grandi Bar tur e hungadonan di 60 plus a demostra cu nan tei pa duna bataya na cualkier hungado hoben cu bin ariba nan caminda.
Jose Geerman na un manera hopi profesional a organisa e torneo aki y Fundacion Movemiento ta Bida ta sumamente contento cu nan por conta cu hende manera Jose cu ta cumpli .
E resultado ta lo siqiente: Na prome luga Nildo Everon, di dos luga Efrain Geerman y na di tercer luga a keda Luis Sjeik Orman.
Ya e grupo aki ta cuminsa pa prepara pa nan torneo di Pasco den December asina ta tur hende lo cuminsa train extra pa bay cay den premio.
Diasabra awor na POVA Club lo tuma lugar e entregamento di premio y baile cu Sherby Maria y su banda cuminsando pa 8 or di anochi. Tur ganadornan di e ocho deportenan cu a participa lo haya nan trofeonan e anochi ey.
Fundacion Movemiento ta Bida ta haci un suplica nan tur esnan cu tin 60 aña of mas pa keda activo y move e curpa mas tanto cu ta posibel pasobra cu movecion bo ta tene bo curpa y mente sano.

Comments

comments