Central di Polis ta wordo dirigi pa Boca Grandi, unda cu’n kitesurfer a haya un accidente y tabata herida. Polisnan a yega na e sitio hunto cu ambulance. Na e beach, na altura di Turtuga Beach Bar, nan ta wak un homber drumi ariba vloer. E homber a resulta di e ta Hulandes, R.R., naci dia 6 di october di 1970 y tabata kedando den un compleho di apartamento.
Mas aleu, e señora di R.R. a declara cu su casa tabata canando cu’n kite riba beach. Pero door cu biento tabata supla duro, e kite a lant’e bay cun’e, pa despues e cay ariba su schouder banda robes. Probablemente lo el a kibra su schouder. R. a wordo atendi na e sitio pa e personal di ambulance y despues transporta cu ambulance pa hospital pa tratamento medico.
Brandweer tambe tabata na e sitio pa yuda cu e transporte.
Central di Polis a wordo poni na altura di esaki.