Dialuna anochi habitantenan di Hooiberg cu ta biba na pia di e sero a scucha un desordo basta fuerte y ora a bay wak a mira cu biento a ranca dak completo di un cas. Esnan cu ta biba den e cas cu e caso a pasa a sali na careda ora a tende e desordo fuerte aki. Alarma a keda activa di biaha na autoridad. A despacha polis y brandweer di biaha. Polis a topa cu e famia completo pafo y spanta, y tur hende tabata bon.
Bomberonan a inspecciona full e situacion y di berdad a mira e situacion cu ta e zink completo a keda ranca y tabata forma un peliger pa bisiñanan. Elmar tambe a keda notifica pa kita coriente.
E famia mes a dicidi di busca solucion cu otro hende pa nan por kita tur cos y busca un manera pa yega na zink pe dak.