Presidente di Merca, Joe Biden, a archiva discretamente e plannan pa un acuerdo comercial “fundacional” cu Reino Uni contra oposicion di Senado y e discrepancianan riba su alcance, e medio di comunicacion Politico, a informa dialuna.
Gobierno Britanico ta codicia desde un tempo caba e acuerdo aki como un importante beneficio despues di a bandona Union Europeo, e medio ta expone, mientras cu e funcionarionan di Merca ta enfoca riba e interes potencial pa su pais.
Ta spera cu e negociacionnan cuminsa prome cu fin di aña. Anteriormente a fracasa despues cu e criticanan cu e democratanan a realisa p’e disposicionnan comercial cu no a inclui e clausulanan riba e normanan laboral.
Den e contexto aki, no ta spera cu e acuerdo sigui padilanti, segun dos persona informa p’e gobiernonan Britanico y Mericano, respectivamente, cu a ofrece declaracion na Politico bao condicion di anonimato. “Mi no ta kere cu nos lo bay mira cu esaki lo bolbe surgi,” un di e fuentenan a señala, encuanto e negociacionnan.
Anda ta keda cuestion importante pendiente entre Merca y Reino Uni, incluyendo e tema di agricultura y e beneficionan cu e trahadonan Mericano lo tin. E enfoke di Washington ta “hopi central riba e normanan laboral, den cuestion medioambiental y den e cosnan aki asina valioso,” un di e informantenan a splica.
E PACTO POR BENEFICIA MERCA
Tambe, den un reunion reciente caminda cu varios diplomatico Mericano a participa, “simplemente nan a insisti den ‘boso realmente mester duna sosten riba e politica comercial enfoca riba e trahadonan’ y ‘bay na luga di un hende na Pennsylvania,'” e di dos persona na altura di e asunto, a revela. Di tal manera, e mensahe tabata “mehora e suerte aki di e agricultornan di Iowa? Yuda esaki den e economia Mericano? Y si no ta asina, nan no lo bay hacie,” el a agrega.
Di su parti, e senador democrata Ron Wyden, presidente di e comite di Finansa di Senado, cu ta supervisa e temanan comercial den Congreso, ta opina cu “Merca y Reino Uni no mester haci anuncio te ora cu ta posibel alcansa un acuerdo cu ta beneficia e Mericanonan,” e vocero di e congresista a expone.
Igualmente Wyden a sostene na october cu tabata trata aki di “un” acuerdo comercial cu no lo beneficia e poblacion Mericano ni respeta e papel di Congreso den e comercio internacional.”
Mientrastanto, e ultimo cifranan ta mustra cu comercio bidireccional total di bienes y servicio entre e nacionnan a crece cu 23,9% te na final di e di dos trimester di 2023.