Internacional: Presidente di Estados Unidos, Joe Biden, a firma e proyecto di ley provisional pa evita un ciere di Gobierno cu congreso a aproba apenas algun ora prome di e fecha critico di mei anochi, ora cu e fondo pa agencianan federal tabata casi caba.
Senado a aproba e medida aki, diasabra anochi desues cu a cambia rumbo diripiente e mesun dia y a aproba un proyecto di ley bipartidista pa extende e financiacion di gobierno despues di incertidumbre si nan por a evita un ciere.
“Diasabra anochi, e mayoria bipartidista den e reunion grandi unda varios persona por a vota pa mantene Gobierno habri, evitando un crisis inecesario cu lo a ocasiona un dolor inecesario na miyones di trahado estadounidense”, Biden a bisa den un comunicado e diasabra mainta ey. Tambe el a critica e republicanonan di camara di representante pa e lucha di ultimo momento y a agrega: “Prome di tur cos, nos nunca mester a keda den e posicion aki”.
E medida lo mantene Gobierno habri te solamente te dia 17 di november y ta inclui yuda pa desastrenan natural, pero no ta inclui financiacion adicional pa Ucrania of siguridad na frontera. Tambe ta inclui un medida pa mantene operativo e Administracion Federal di Aviacion.
Un ciere por tin consecuencianan importante den henter pais, for di biahenan aereo te e awa potabel, y hopi operacion gubernamental lo keda paralisa, aunke nan lo sigui cu e servicionan considera esencial pa seguridad publico.
