Banco Central di Corsou y Sint Maarten, CBCS, a desaroya un plan hunto cu e gobierno di ambos pais p’e seccion di pensioen di Ennia, esta ENNIA CARIBE LEVEN bay back on track. Esey ta nifica cu ya no ta posibel e surseance van betaling di e sucursal aki.
Segun e acuerdo alcansa, no lo tin reduccion riba e polisanan di e titularnan di pensioen di Ennia. Esey ta nifica cu e aseguradonan lo conserva tur nan derecho di pensioen. E acuerdo aki tin e posibilidad un reinicio parcial di Ennia Leven, fundamental p’e continuidad di e servicionan.
MIL MIYON
E solucion financiero ta rekeri contribucion significativo tanto di e gobiernonan como di Banco Central. Entrante 2027, Corsou lo deposita trinta miyon florin anualmente den un fondo di resolucion durante trinta aña. Sint Maarten lo aporta anualmente cu 2,3 miyon florin.
Fuera di esey Banco Central lo deposita diescinco miyon annual den e fondo durante cincuenta aña. Esaki ta igual na un total di 1700 miyon florin, na cual e banconan, otro aseguro y fondo di pensioen tambe lo contribi indirectamente mediante mayor costo di supervision.
Aunke e solucion aki ta ofrece speransa, su implementacion ainda ta depende di e aprobacionnan necesario di acuerdo cu e ley y regulacionnan di Corsou y Sint Maarten. CBCS ta prominent mantene tur partido interesa, incluyendo e aseguradonan informa riba e avancenan.
Presupuesto
E evolucion aki tambe ta afecta e presupuesto di 2024. Gobierno di Corsou ta destaca cu, aunke e pagamento di e problema ENNIA no lo cuminsa te cu 2027, e beneficio di interes pa pago di e prestamonan di Corona di Hulanda, ta drenta na vigor inmediatamente. Esey lo por conduci na indice di interes mas abao y mas espacio di debe pa inversion.
E complehidad di e negociacionnan rond di e cuestion ENNIA ta rekeri un enfoke cuidadoso y exhaustivo. Esey a causa algun retraso den e preparacion di e presupuesto pero ta crucial considera cuidadosamente tur e facetanan di e asunto compleho aki.