Biblioteca Nacional Aruba a ricibi un donacion di un coleccion buki riba e diferente temanan den Hospitality Management (Turismo). Y tambe un kashi di buki. E donacion ta un gesto bunita di e bishitantenan cu a bin Aruba pa ‘The Destination Caribbean Conference 2016’. Esaki pa conmemora sr. Simon Oduber jr. Simon Oduber Jr. a yega di ricibi Aruba Shoco Award of Excellence, Excellence in Meetings and Incentive groups na 2012. Sr. Oduber jr. (q.e.p.d.) a inicia e mercado ‘Group travel’ pa Aruba. Coordinadora di e proyecto ta sra. Wichita Villacres.
Riba potret Rijuenne Tromp di ECO DMS Aruba y su colega y bibliotecaria Gina Jie Sam Foek.