Dia 27 di april, ariba Dia di Rey, Biblioteca Nacional un biaha mas tin su mercado di buki. E ta un actividad cu ta sosode anualmente. Y e biaha aki el a coincidi net cu Dia di Rey.
Lo bay tin un seleccion amplio di buki, na tur idioma cu nan haya. Bukinan na papiamento, aunke na cantidad limita, mirando cu e produccion di bukinan na Papiamento ta menos.
Sra. Astrid Britten, directora di Biblioteca Nacional a bisa cu lo tin un variedad di buki, for di novela, te cu bukinan di estudio, cu ta trata un of otro tema. Y tambe naturalmente, bukinan pa mucha. Esaki tambe ta un seccion cu ta wordo hopi pidi y revista tambe. Esaki tambe ta algo cu lo bay tin.
Sra. Britten ta invita pueblo en general pa ta presente, e actividad ta cuminsa 9 or di mainta. Trempan ta benta, dus pa haya e miho seleccion ta consehabel pa bin e parti trempan. Y unda cu den un ambiente agradabel, di biblioteca, tin espacio tambe cu personanan cu tin buki na cas, y ta desea di entrega esakinan, esaki ta completamente gratis. No mester bay paga niun boet cu por tin ariba e buki.
Asina ta, mester probecha e diasabra aki, entrega bo buki. Y por pasa wak kico tin na benta, tambe lo tin un skina por cumpra algo di bebe y di come. Den un ambiente na Biblioteca na George Madurostraat 13.
Tambe nan ta conta cu’n seleccion pa muchanan mas chikito. Esaki ta e parti cu ta caba mas lihe tambe. Pero esaki tambe ta bay ta disponibel e mainta aki na Biblioteca.
Esunnan cu kier bin cumpra buki, tur transaccion ta bay ta cash ya cu no ta bay tin swipemachine. Tabata palabranan di Sra. Astrid Britten, directora di Biblioteca Nacional.