Biblioteca Nacional Aruba ta organisa un curso cortico di Skirbimento creativo. Un curso di 6 encuentro pa personanan cu kier sigui practica skirbi storia, poesia of Blog posts. Esaki bou guia profesional di docente y schrijfcoach Byande van Andel. Curso ta cuminsa diaranson dia 8 di februari, di 5or pa 7or. Tin 6 encuentro na biblioteca, tur diaranson atardi mes un orario. (Dianan 8, 15, 22 di februari y 8, 22 y 29 di maart.
Kico ta e idea? Participantenan ta haci diferente ehercicio cu diferente estilo y tema y ta purba di yega asina na nan propio fuente di inspiracion. Cu diferente ehercicio coach Byande van Andel ta stimula e coriente creativo y ta duna ehercicio pa yega na e memorianan. E curso ta ofrece idea, feedback y inspiracion. Participantenan por inspira otro y intercambia di idea con ta skirbi e obra. Participantenan ta sigui skirbi na cas den siman.
Esaki ta un curso den cuadro di Lifelong learning na Biblioteca Nacional Aruba. Registracion ta posibel via [email protected]. Costo ta 125 florin pa persona.