Tur siman tin actividad pa mucha na Biblioteca Nacional Aruba. Diamars atardi tin actividad na biblioteca na Playa . Esaki ta tuma luga di 3or pa 4or. Ta lesa storia of ta scucha storia of informacion di un topico. Muchanan ta haci obra di man of un wega. Esaki pa stimula lesamento cerca mucha y duna e bishita pa biblioteca un toke diferente y algo extra. Participacion na e actividad ta pa mucha di 4 pa 7aña y ta gratis.
Tin biaha Biblioteca Nacional ta invita autor di buki pa mucha of ilustrado pa duna mucha mas gana di lesa y stimula e goso di lesa buki. Tur mayor cu ta interesa pa nan yiunan participa por yega Biblioteca Nacional Aruba y puntra pa e actividad den Verteltoren y nan ta bon bini. Por yama 582 1580 (Playa).
Actriz, musico y autora Emerita Emerencia cu su popchi Chabelita a conta storia na e muchanan bishitante e siman aki. Y tambe nan a canta hunto.
Esaki ta den Verteltoren, actividad di diamars atardi 3or.