Durante un conferencia di prensa yama pa SKOA y Wit Gele Kruis, Sr. Gino Goeloe a splica di e programa Biba Amor cu ta yegando su final.
Cuater aña pasa, aunke cu e programa aki tin mas di 10 aña caba ta bezig pa bin cu e concientizacion pa nos muchanan na scol. Na 2013, nan ta cumisna mas oficial, cu’n congreso masha grandi mes, na Cas di Cultura, unda cu nan a introduci e palabra “sexualidad” na scol. Esaki tabata algo cu tur hende a spanta di dje, pero aworaki, despues di 4 aña, na 2017 tur hende ta comfortabel ta sinta cu otro ta papia di e palabra aki.
Na momento cu Sr. Goeloe a trece e programa aki dilanti den e directiva di SKOA mes, ora cu a menciona sex caba, tur hende a keda keto, tur hende ta wak e porta, ta wak plafond, pero e ta algo cu ta pasando. Y vooral cerca e muchanan mas jong, cu ta esunnan mas vulnerabel. Esaki ta mas tanto cu e mamanan jong, cu nan ta encontra cun’e.
Ta pesey e programa aki a bin tambe y a nan a bin cu tur e expertonan cu nan por a conoce, for di Hulanda, Corsou, Bonaire, St. Maarten. E congreso tabata na 2013 y el a dura 5 dia, caminda a duna e informacion na tur e personana cu tin de haber cu educacion y tur e partnernan den veld, cu tin di haber cu educacion di muchanan, manera FADA, Telefon pa Hubentud, Tienda di Educacion, y tambe Directie Onderwijs, DVG, Jeugdgezondheidszorg. Tur ta forma parti di e exito di e programa aki. Pero Wit Gele Kruis no a para keto na 2013, pero na 2014, nan a bay cu e scolnan cu ta cay bou di SKOA a bay cu e programa y a laganan kies locual cu nan kier. Y eynan a sali afo, cu Sra. Pharetza Damon, cu su programa na Corsou cu ya caba tabata drei pa 5 aña caba. E docentenan y e directiva di SKOA a dicidi di bay cu Biba Amor, di Pharetza. Sr. Goeloe a gradici Sra. Pharetza Damon pa tur e añanan cu e tabata cu WGK.
Tambe Sr. Goeloe a bisa cu ora cu nan a acerca Faressa cu e escogencia pa e programa Biba Amor y el a acepta man habri. Te dia djawe nan ta bayendo hopi bon.
Wit Gele Kruis a cera cu algo cu nan a warda pe pa hopi aña, cual ta e programa cu nan a introduci aña pasa den e scolnan cu e trainingnan cu Faressa a duna, cual a duna resultado. Nan a tene un pre- evaluacion, pa sa kico e programa aki a nifica pa e muchanan.
Sr. Goeloe a duna danki pa e sosten, na Faressa Damon y SKOA, cu nan por sigui cu e programa bunita aki. Te cu aña pasa nan tabata tin 92 mama jong, na 2016 cu te ainda, pa Sr. Goeloe tabata hopi. E aña anterior tabata 92, pero e otro añanan tabata ariba 100.
Cu e cifra ta bou di 100, ta un punto positivo. Cu e programa aki, ta e intencion cu e bira 50 of 40. E deseo ta pa e cifra ta 0, pero e no ta realistico pa e ta asina ey. Pero Sr. Goeloe ta desea pa 0 mucha bou di 18 aña ta sali na estado.
Por ultimo, Sr. Gino Goeloe, director di Wit Gele Kruis Aruba, a gradici e sponsornan, cualnan tabata VNO, UNESCO, Kiwanis Palm Beach, Rotary Club y tambe Quota Club of Aruba pa kere den nan proyecto. Esey ta e personanan y organisacionnan cu a kere den e proyecto aki y cu ta carg’e te awendia.