RIO DE JANEIRO, Brasil – E skelet gigantesco di un bayena ta colga na e plafond y ta ricibi e bishitantenan di e mayor acuario di Sur Ameica, cu lo habri su portanan dia 9 di November proximo den e curazon di e zona portuario renoba di Rio de Janeiro.
E bayena adulto di 13 meter y 37 ton, a keda spula riba e beach di Macumba, west di e Ciudad, na Juni 2014, “probablemente despues di a wordo golpia pa un barco, pasobra e tabata falta un vin,” e biologo marino Marcelo Szpilman, a splica, kende alabes ta e creador di e atraccion nobo aki, bautisa AquaRio.
Te cu awor aki, e ciudad costera, cu ta wordo bishita tur aña pa casi tres miyon di turista stranhero y mas di seis miyon di Brasileño, no tabata conta cu un acuario, un deuda cu pronto lo wordo resolvi.
Ubica den un zona rehabilita pa e Weganan Olimpico, den un edificio di cinco piso, 26000 m2 y 4.5 miyon lider di awa salo – ekivalente na dos piscina Olimpico – AquaRio “kier ofrece na e publico un sensacion di inmersion total,” Szpilman ta subraya.
E inmensidad di awa blauw y un iluminacion tenue ta haci cu e bishitante ta sinti manera cu nan ta den fondo di lama mientras cu e ta cana den e gangnan cu ta comunica na e 28 acuarionan di AquaRio.
E prome e ta yena di piscanan “peligroso” manera e electric eel of e lionfish.
Drumi entre tiburon
Pero e atraccin principal ta un tunel di murayanan acrilico di 20 meter di largo y dos di hancho cu ta duna e impresion di ta sumergi den miyones di liter di awa y rodea di tiburon.
“Nos tin premira cu muchanan desde seis aña di edad por pasa e anochi eynan cu su mayornan pa experimenta e sensacion di ta den fondo di e oceano,” Szpilman ta bisa.
E bishitambe tambe por diverti creando un “pisca virtual” cu loke ta sigui den su biahe entre colornan di acuario. Den tur e tankinan, lo bay tin pantayanan LED cu lo duna informacion riba e especienan y su habitata.
Den un comienso, AquaRio lo exhibi 3000 pisca di 350 especie diferente, entre nan un cuarentena di tiburon. Pero e acuario tin un capacidad maximo di 8000 pisca.
Szpilman ta señala cu 90% di e animalnan di AquaRio a wordo captura den naturalesa y ta pisca den e costa Brasileño pa wordo consumi pa e poblacion local. Den e sentido aki, e rol di AquaRio ta triple, educa, investiga y sirgi di proteccion marino.
Den su prome aña, ta spera pa ricibi un miyon di bishitante.
Fuente: NTN24